Al waer een jaor veurbi'j

Al waer een jaor

veurbi’j

sinds i’j - mien lief -

de klokke

stille

lieten staon. Mien uur-wark

wier sindsdien

(al tikketakkend)

in ekwartierd

in het slingerend

gemoed

van de getieden.

Van afnemmend

duuster

töt opkommend

lecht,

he-k de twaalf slagen

met jobsgeduld

motten lieden.

Al waer een jaor

veurbi’j

sinds i’j - mien lief

de klokke

stille

lieten staon. Mien harte

klopt nog altied deur

en at ik - in mijn lief

het tik-tak, tik-tak,

tik-tak heur

en hoe de klokke helder

in mien klankkast klunk,

a-k zie hoe at

mien wiezer wieter wis,

dan wet ik - diepe binnenin -

dat ow harte

- ondanks dat ik ow zo mis -

now ok in mi’j

an ‘t kloppen is.